“LAY DOWN your rules and regulations for this marriage. I’ll try to abide,” anunsiyo ni Edmark dalawang oras pagkatapos ng kasal nila ni Hershelle.
Pagkatapos ng kasal ay tumuloy na sila sa penthouse ng Glorious Hotel. Gusto pa sanang umuwi ng bahay nila si Hershelle para mag-impake ng kanyang mga gamit. Ngunit nangako ang mga magulang niya na sila na ang bahala rito. Ipapadala na lang nila ito sa hotel pagdating ng hapon.
Naiinis si Hershelle dahil hindi siya makapagbihis. Suot pa rin niya ang kanyang wedding gown. Tinanggal lang niya ang kanyang belo at naglinis ng kanyang mukha. Nakasanayan na kasi niya na linisin ang mukha pagkatapos ng mga show niya dahil ayaw niyang mairita ang kanyang mukha.
Inalis na rin niya ang suot na sapatos para makapagpahinga ang kanyang mga paa. Ngayon a
