Kabanata 58: Lamay ni Crim Carl
AYAW man ni Denzel pumunta sa lamay ni Crim Carl ay kailangan. Kailangang nandoon siya dahil siya ang nobya at ikakasal na sana sila. Hindi paman sila kasal ay nag-umpisa na ang dagok sa kanyang buhay.
“Ayos ka lang ba?” tanong ni Tita Inday.
“Ayos lang po ako, kakayanin ko ito.”
“Iyan ang tunay na babae, masakit ngunit kinakaya,” matamis na ngumiti ang ginang. “Saka nga pala, susunod na kaagad si Lumino sa atin.”
“Wala pong problema, Tita.”
Sasakyan niya ang kanyang ginamit patungo sa bahay ng yumaong nobyo dahil matatagalan si Lumino sa Hideout dahil sa sobrang abala nito. Kabadong –kabado siya habang nagmamaneho. Samo’t-sari ang kanyang nararamdaman. Hindi alam ni Denzel kung ano ang iri-react kapag nakita na niya si Crim Carl nasa loob ng kabaong a
