Kabanata 59: Live and Love
BUONG MAGDAMAG na hindi natulog si Denzel dahil kanyang binabantayan ang katawan ni Crim Carl sa loob ng kabaong. Kahit man lang sa huling gabi nitong lamay ay makapagsilbi siya sa nobyo dahil bukas na bukas din ay magiging abo na ang sunog na katawan ni Crim Carl. Ayaw niya talagang tanggapin na patay na si Crim Carl ngunit wala na siyang magagawa pa. Mukhang tinadhana talagang pahiwalayin sila ng lalaki. At alam niyang may plano ang Diyos para sa kanya.
“Denzel, magpahinga ka nalang muna, okay? Buong gabi kang walang tulog at paminsan-minsan napapansin kitang umiiyak,” wika ng ama ni Crim Carl.
“Naku, okay lang po ako Tito. Huwag niyo po akong isipin dahil kaya ko naman itong aking sarili, e. Kahit man lang sa ganitong paraan ay matutuwa si Crim Carl.”
“Huw
