NAKATANGA lang ako habang pinagmamasdan si Aeious na nasa harapan ko pa rin. Nawalan ako ng imik dahil sa sinabi niyang gusto niyang mangyari.
Is he crazy? Sa tingin niya ba, madali lang gawin ang bagay na 'yon? Mukhang dahil sa ginawa kong pagpapakilala sa kanya kay Creios ay nakalimutan niya ang kagaguhang ginawa niya sa akin noon. Nagkaroon ba siya ng amnesia kaya ang lakas ng loob niya para sabihin ito sa akin ngayon? O sadyang makapal lang talaga ang mukha niya?
"Nababaliw ka na ba?" hindi makapaniwalang tanong ko at mababakasan din ng inis. "Imposibleng mangyari 'yon, Aeious. Tigilan mo 'yang kahibangan mo."
Ngumisi siya na tila nanghahamon. "Walang imposible sa akin, Laurent."
Puno ng sarkastiko akong natawa dahil sa naging tugon niya. Pakiramdam ko ay nag-iinit ang ulo ko dahil
