"CREIOS, please be careful," bilin ko habang tinatanaw siya mula sa labas ng playground na gawa sa balloons.
Dahil ngayong araw ay weekend, napagpasyahan kong dalhin si Creios sa mall para igala at ipag-shopping. Nakasanayan na namin ng anak ko ang ganitong gawain tuwing weekend. Kahit naman kasi busy ako sa negosyo ni Daddy ay palagi pa rin ako naglalaan ng oras para kay Creios. Maubusan na ako ng oras para sa sarili ko, huwag lang para sa anak ko.
"Calm down, Laurent. Matanda na si Creios. Kaya na niya 'yan," pagpapakalma naman sa akin ni Arthur na katabi ko. Pareho naming pinapanood si Creios na ngayon ay nagpapadulas na sa slide.
"Shut up, Arthur," masungit kong sabi. Dahil walang pasok sa trabaho si Arthur ay nandito siya at kasama namin ni Creios para manggulo sa gala namin ng ana
