WALA na si Xander nang gumising si Shania. Tinanghali na rin siya ng gising dahil halos hindi kaagad nakatulog kagabi habang ang asawang katabi ay mahimbing nang natutulog.
Matapos nang makauwi si Shania sa bahay at pumayag siya sa kagustuhan ni Xander, dalawang-araw nang nakakalipas ay parang walang nangyari sa pagitan nila kung umasta si Xander at balik na sa normal ito bilang asawa. Hindi na rin binuksan muli ni Xander ang tungkol sa pag-alis niya at planong pakikipaghiwalay dahil mukhang panatag naman ito, na susundin niya ang kagustuhan nito dahil nga sa pagbabanta nito sa pamilya at mga kaibigan niya.
Nakuha ni Xander ang kahinaan niya at iyon ang naging pagkakamali niya dahil sa pagtitiwala noon sa asawa, ay nalaman nito ang buong pagkatao niya sa pagbubukas sa lahat rito at ngay
