DAHIL pinuntahan si Shania ni Shara sa bahay ni Angelu ay nakapag-usap silang magkapatid at napagdesisyuna na lang din ni Shania na umuwi na sa bahay ng mga magulang. Iniwan na lang muna niya ang mga gamit na binili sa kaniya ni Angelu na ginamit at gagamitin pa sana niya kapag magtatagal pa siya sa poder ni Angelu pero kung papayagan siya ng mga magulang na sa bahay na nila tutuloy ay wala naman siyang poproblemahin sa gagamitin dahil may mga gamit pa siyang naiwan sa bahay ng parents.
Kay Zarem pala nalaman ni Shara kung nasaan siya pero hindi sinabi ng kapatid sa mga magulang na alam na nito kung nasaan siya. Pinuntahan kaagad siya nito para kausapin at sabihin na alam na nila ang pag-alis niya sa poder ng asawa. Nang pumasok siya sa bahay ay nabakas ang gulat sa mukha ng ina na lumaba
