NASA labas ng pinto ng kwarto sa isang ospital si Shania. Mag-isa lang siya at hindi na nagpasama pa kay Angelu. Biglaan ang naging desisyon niya at pinag-isipan niya iyon ng mabuti. Ilang-araw na nga siyang hindi makatulog dahil sa kakaisip sa nangyari kay Zanray at kinukutkot ang puso niya ng konsensiya dahil siya ang dahilan kung bakit nagkaganoon ang dating nobyo.
Sa isang ospital sa Manila naka-admit si Zanray at nalaman niya iyon mula kay Theresa dahil siya na mismo ang tumawag sa dalaga upang alamin kung nasaan ang mga ito. Kakatok na sana siya nang kusang bumukas ang pinto ng kwarto at sumalubong sa kaniya si Theresa na nagulat pa dahil sa presensiya niya.
“Shania!” bulalas nito.
“T-Theresa,” halos bulong na tawag niya.
“Mabuti at pinuntahan mo si Zanray,” masaya nitong sabi s
