LUMAYO si Shania kay Xander at puno ng lungkot ang mga matang tinignan niya ang asawa. Napakahirap ng pinagagawa sa kaniya ni Xander pero hindi naman niya makakayang basta na lang itakwil ang pamilya dahil lang sa galit nito at hindi rin niya kayang hindi piliin si Xander dahil mahal na mahal niya ito at ayaw din niya itong mawala sa buhay niya.
“Ayokong mamili, Xander, wala akong pipiliin dahil parehas ko kayong mahal,” tugon niya sa huling sinabi ni Xander. “Mahal ko ang pamilya ko kaya hindi ko sila kayang itakwil nang kagawa ng gusto mong mangyari pero mahal na mahal din kita at hindi ko rin kayang mawala ka sa buhay ko lalo na’t nagkaayos na tayo at napag-usapan nating hindi na muling maghihiwalay,” dagdag niya.
Muli ay napuno ng galit ang emosyon ng mukha ni Xander.
“Kung ganoon i
