“S-SHANIA?” gulat na bulalas na lalake ang boses at nang lingunin ni Shania kung sino ang tumawag sa pangalan niya ay si Alfred pala iyon na mukhang naalimpungatan sa pagkakatulog.
Si Alfred lang ang nandoon at mukhang ito lang ngayon ang nakatokang magbantay sa kapatid.
“G-gusto ko lang sanang makita ulit si Xander a-at magpaalam ng maayos,” sabi niya kay Alfred.
Ngumiti ito. “Mabuti naman at napagdesisyunan mong kausapin siya,” anito saka tumayo at inilagay sa bulsa ang dalawang kamay. “Gisingin mo na lang siya at mag-usap kayo. Lalabas lang ako para bumili ng mainit na kape.”
Tango lang ang naging tugon niya kay Alfred saka na ito lumakad palabas ng kwarto.
Nilapitan niya ang asawa at napansin niyang may mga stumbles na rin pa lang tumutubo sa mukha ni Xander, na hindi na inahit
