“SINABI ni Xander ang lahat sa amin at inamin niya lahat ng mga nagawa niya sa’yo,” sabi ni Tito Bernard sa kaniya na ikinagulat niya.
Wala ngayon ang ina dahil sumama ito sa abuelo sa pag-uwi sa bahay ng mga magulang at gustong makita ng Lolo ang mga kapatid niya dahil miss na miss na raw ito ng Lolo at ang Papa naman niya ay lumabas para bumili ng makakakin habang si Tito Bernard ang naiwan sa kaniya.
Pinauwi na rin muna nila si Angelu para makapagpahinga na ito at sobra-sobra na ang abala niya sa kaibigan pero sinabi nitong babalik siya at baka isama niya sina Zanray at Theresa na inayunan naman niya.
“U-umamin po siya?” hindi makapaniwalang tanong niya.
“Oo. Ang sabi niya bibitawan na raw niya ang kompanya dahil hindi karapat-dapat sa kaniya iyon sa lahat ng pananakit niya sa’yo,”
