TULALA na lang si Shania matapos humagulgol ng iyak kanina at ngayon ay napagod siya sa kakahagulgol kaya tahimik na lang siyang lumuluha habang nakaupo sa kama at pinagmamasdan naman siya ng ina at ng asawang si Xander. Tanging ang nasa tabi lang niya ay si Angelu dahil ayaw niyang lapitan at hawakan siya ng asawa at kahit ng kaniyang ina. Tanging ang pinagkakatiwalaan niya lang at nakikitang tunay na dumadamay sa kaniya ay ang kaibigang si Angelu.
Tumingin siya sa ina na nagulat pa dahil sa pagtingin niya at kahit ito ay tigmak pa ng luha.
“I’m sorry, Mama, naging bastos ako sa’yo,” hingi niya nang paumanhin sa ina na lalong nagpaiyak dito saka siya nilapitan at niyakap.
Kahit masama ang loob ni Shania sa mga magulang ay mali pa ring maging bastos sa mga ito dahil higit pa rin ang ut
