Mabilisan niyang isininunod ang iba pang galamay na nakapalupot sa kaniyang buong katawan bago pa man madagdagan ang mga iyon. Umiirit ang mga galamay sa pagputol niya sa mga ito kasabay ng pag-iyak ng nilalang na nagmamay-ari sa mga iyon. Nahulog siya kapagkuwan sa lupa na nakabaluktot ang kaniyang isang tuhod.
Naririnig niya sa kaniyang paligid ang pagkabali ng mga sanga at kaluskos dahil sa pag-andar ng mga galamay. Sinubukan niyang tawagin ang ahas sa kaniyang isipan ngunit hindi ito sumasagot sa kaniya. Pagkarinig niya sa malakas na pagsagitsit nito't pag-iyak ng nilalang na nanggulo sa kanila tumakbo siya patungo sa pinanggalingan niyon. Dahil nga sa mahihirapan siyang pigilan ang mga galamay na pinapakawalan ng nilalang dahil sa nakabalot na kadiliman sa kakahuyan, inilabas niya n
