Binati siya ng tahimik na pasilyo pagkalabs niya ng silid. Wala nang iba pang makikitang naglalakad dahil nga sila pa lamang ni Odeo ang mag-aaral na naroroon. Sa labis na katahimikan umaalingawngaw sa kahabaan niyon ang kaniyang paghakbang. Mataas ang kisame ng pasilyo't naiilawan iyon ng mga kandelabra. Nakasabit sa dingding ang malalaking mga larawan ng mga pakikilapqgban na nangyari sa mga nakalipas na panahon. Huminto siya sa harapan ng isang larawan ng matandang lalaking maputi ang buhok. Nakasuot ang matanda ng puting-puti na uniporme. Pinagmasdan niya ang mukha ng matandang lalaki dahil pamilyar sa kaniya ang mukha nito. Hindi niya lamang malaman kung saan niya nakita ang matanda.
Sa pagtitig niya sa larawan, iniluwa ng ahas ang ulo nito sa kaniyang leeg. "Ano na ang gagawin mo n
