Episode 24
NAGISING AKO sa hindi pamilyadong lugar. Kaagad kong inilibot ang aking mga mata sa paligid. Isang malaking bintana kung saan lumalabas ang sinag ng araw ang bumungad sa akin. Sinamahan ito ng putting kurtina na nakalaylay sa magkabilang gilid ng bintana.
Sa bandang kanan ay bumungad sa akin ang malaking salamin kung saan tanaw ko ang aking sarili. Doon ko lamang napagtanto na kanina pa nakabalot ang sarili ko sa kumot. Kaagad naman nanlaki ang mata ko at tinignan kung may natitira pa akong saplot sa katawan. Mayroon naman pero iba na ang suot kong damit kaya hindi pa rin nawala ang kaba sa aking dibdib.
Kaagad akong kumaripas ng tayo at bubuksan n asana ang pinto nang bumukas iyon at iniluwa ang taong hindi ko inaasahan na makikita rito. He’s wearing a white teeshirt and
