NOT A TYPICAL OTHER WOMAN
By JOEMAR ANCHETA (PINAGPALA)
CHAPTER 43
JAMES’ POINT OF VIEW
Alas-syete na ng gabi nang dumating ako. Ako ang nagtaka sa aking naabutan nang nasa tapat palang ako ng aming bahay. Maalala ko noong paalis ako papuntang Qatar madilim noon ang buong paligid. Nagyayabungan ang mga d**o at puno ng mga tuyong dahon ang paligid na animo'y walang nakatira ngunit ngayon, napakaraming nagbago sa bahay. Alaga ang mga halamang nasa paligid. Katulad na katulad pa rin noong nabubuhay pa rin si Mama. Hindi ko naman pinadalhan si Vicky ng pera para ipaayos ito. Binibigyan ko lang siya ng tamang allowance nila ng mga bata dahil balak kong bumawi sa kanila pag-uwi ko. Hindi din ako nagpadala ng para kay Papa dahil alam kong sa alak lang niya gagastusin ang pera. Anong
