Chapter 67
Ravena
Dumating si Anthony, bandang alas-otso na ng gabi sa bar kung saan naroon kami ni Mandy.
Nag-usap silang dalawa. Medyo lasing na kami ni Mandy dahil naka-ilang shot na kami. Hinayaan ko lang na mag-usap silang dalawa ni Anthony. Hindi na nga ako nakasayaw dahil nahihilo ako. Ilang sandali pa kinalabit ako ni Mandy.
"Ena, tumatawag si Jack. Ano ang sasabihin ko?" tanong ni mayndy sa akin sa mapupungay niyang mga mata. Lasing na rin ito. Mabuti at isang shot lang ang nainom ni Anthony.
"Akin na! Takot na takot ka riyan sa asawa mo. Ako ang sasagot," sabi ko kay Mandy, sabay hablot ng kanyang cellphone.
"Bakit Jack? Magkasama kami ngayon ng asawa mo, kaya huwag kang mag-alala," agad kong sagot sa kabilang linya.
"Saan kayong dalawa ni Mandy? Anong oras na hindi pa
