Amythyst's POV
Ibinalik nila ako sa kulungan kung saan malayo sa kulungan nina Claire. Habang nakaupo sa madilim na sulok ng rehas na iyon ay napayakap ako sa mga tuhod ko dahil hindi ako makapaniwala sa narinig ko kanina.
Mamaya daw mangyayari ang eclipse. At sa eclipse na iyon, doon mabubuhay ang ama ni Haring Rio, si Wasama, at iyon ay dahil sa dugo ko na ipapainom sa kanya. At ang gagawa ng seremonya ay isang witch.
Pagkatapos na 'yon? Paano na ako? Mamamatay ba ako? Ano ang susunod na mangyayari kapag nabuhay 'yong Haring Wasama?
"Amythyst,"
Mula sa pagkakayuko ay napatingin ako sa labas ng rehas. Saglit akong natigilan ng may nakita akong pigura sa madilim na bahagi. Suot niya ang itim at mahabang hood. Bumagsak ang balikat ko sa pag-aakalang kakampi ko iyon dahil walang ib
