MAKARAAN ang dalawang araw ay nakatanggap ng tawag si Jay, mula sa Doctor na kumuha ng DNA nila ng batang isinilang ni Aubrey. Agad na tinapos ni Jay ang kanyang mga trabaho, para makapunta sa hospital at kausapin ang doctor.
Nang dumating siya sa hospital ay agad siyang nagtungo sa Private room kung saan nananatili si Aubrey, at ang baby nito. Hindi siya lumabas dahil sa laki ng bill nilang mag-ina, dahil na rin sa Private room na kinaroroonan nila. Hinihintay niya ang pagbabalik ni Jay, para ilabas sila sa hospital.
Tahimik si Aubrey, habang karga nito ang kanyang anak. Katatapos lamang mag-DD ang baby, kaya't kinarga niya ito para ipadighay. Nang bumukas ang pinto ng kuwarto, at pumasok si Jay ay biglang umaliwalas ang mukha ni Aubrey.
Seryosong nakatingin naman si Jay sa mag-ina,
