"Limang kalamares, limang betamax," nakangiting saad ko sa tindero.
“Sa'kin din ho." ani Miguel na nasa gilid ko.
Tumango naman ang tindero habang palipat-lipat ng tingin sa aming dalawa at tila sinusuri kaming mabuti. Hanggang sa maiabot sa amin ang silver na plate kung saan nakalagay ang order namin ay hindi pa rin maalis sa amin ang kaniyang titig.
Kinulbit ako ni Miguel at pasimpleng nginuso iyong tindero. Pinagtaasan ko siya ng kilay at ngumuso rin pabalik.
"Pamilyar kayo," biglang saad noong tindero, ang mga mata niya ay naniningkit sa aming dalawa ni Miguel.
“Hello po, Manong!" Miguel greeted politely and waved his hands.
"Kayo ba 'yong madalas na kumain dito dati?"
Sinulyapan ko si Miguel bago sumagot sa matanda. "Opo kami nga po iyon."
Nagpakawala siya ng isang mahinang
