Sumunod na gabi ay hindi mapigilan ni Crystal ang matuwa lalo pa't alam niyang muli siyang bibisitahin ni Royce. Kung hindi nga lang siya nagutom ay hindi siya lalabas ng kwarto at hihintayin na lang na mag-alas dose, kaya lang ay kumukulo ang tiyan niya at natatakam siyang kumain ng prutas. Mixed berries ang sinisigaw ng utak niya, hindi nga lang siya sigurado kung meron sila sa ref ng ganoon.
Nangunot ang noo niya noong pagdating sa kusina ay narinig niya ang pagsusuka ng Ate Courtney niya sa lababo. Kita niya itong nakaharap nga sa lababo at dumuduwal.
"Are you alright, Ate?" nag-aalalang tanong niya.
Nagtataka pa siyang nasa ibaba ito gayong may banyo naman sa loob ng kwarto nito.
Mabilis itong nagmumog at nahahapong humarap sa kanya.
"May nakain yata akong masama. Umiikot ang tiy
