"Marry me, pakasalan mo ako at papayag ako sa gusto mo. Magpapakasal tayo at magsasama sa loob ng dalawang taon katulad ng kondisyon mo, at pagkatapos ng dalawang taon pwede natin ipawalang bisa ang kasal natin.” Saad niya habang nakatingin sa aking mga mata. Lumaki naman ang mata ko at hindi makapaniwala sa sinabi niya.
“Pakakasalan ka? Nahihibang ka na ba Finn? Hindi biro ang kasal at kung nagbibiro ka, please hindi ko kailangan yan.” Gulat na saad ko sa kanya. Bakit naman ako mag papakasal sa isang taong hindi ako mahal at hindi ko mahal, isa yung malaking kalokohan.
“Pero seryoso ako Eds, seryoso ako sa sinasabi ko.” Aniya na wala pa rin makitang emosyon sa kanyang mukha. Hindi ko tuloy mabasa kung ano ang nasa isip niya.
“Sige, sabihin na nating seryoso ka. Ano naman ang dahilan mo
