( Chapter 80 - Nagpapatay-malisya )
Red's POV
"Tulungan na kita riyan," sabi ko sa kaniya nang puntahan ko siya sa kusina. Nagluluto na kasi siya ng tanghalian namin. Chop suey ang lulutuin niya. Mga fresh at matataba kasi ang mga gulay na nabili namin kanina kaya nagre-quest ako sa kaniya na iyon ang lutuin niya. Pa-partner-an na lang namin iyon ng dalagang bukid na isda na ako naman ang magpipirito mamaya.
"Huwag na, kaya ko na ito. Unahin mo na lang sigurong lutuin ang isda. Magpirito ka na," utos niya kaya sumunod na lang ako.
Hinanda ko na ang kawali na mayroon doon. Ayos nga rito sa nakuha naming condo. Kompleto sa gamit. Saka, ang sosyal ng lahat. Ang ganda-ganda ng kusina nila. Habang naglalagay na ako ng mantika sa kawali ay patingin-tingin ako kay Blue. Tila, tuluyan na siya
