( Chapter 32 - Hiyang-hiya talaga ako. )
Red's POV
Wala na si Ben nang magising ako. Gabi na rin. Habang bumababa ako sa hagdan ay hindi ko namamalayan na nakatitig pala sa akin sina mama at si Waldo.
Unang tumayo si Waldo. "Anong nangyari sa iyo, Red?" tanong niya. Kakamot-kamot ako ng ulo nang tuluyan akong bumaba.
Tumayo na rin si mama para lapitan ako. Tinignan niya ako mula ulo hanggang paa. Nanlalaki ang mata niya.
"Ano? Nagloloko pa ba ako? Sabi ko sa inyo e, lalaki na ulit ang anak ko," sabi ni papa.
Naupo na kaming lahat sa hapagkainan. Habang naglalagay ng mga ulam si mama sa lamesa ay patingin-tingin siya sa akin.
"Ma, baka matapon ang mga ulam. Sa lamesa ang tingin, hindi sa akin," saway ko sa kanya.
"Eh, kasi naman, kamukhang-kamukha mo ang ama mo noong nahuhumaling pa
