( Chapter 21 - Dapat ko na bang seryosohin ang pagiging malapit namin? )
Red's POV
Paghatid sa akin ni Ayah sa bahay namin ay saktong nilalabas na ni Pinky ang motor.
"Salamat, sissy," sabi ko kay Ayah at dali-dali na akong bumaba para harapin si Pinky. Pagtuntong ko pa lang sa kalsada ay nanginginig na ang laman ko. Sa nakikita ko ay parang ibang tao na ang kapatid ko. Ibang-iba na siya ngayon.
Natigil sa paglalabas ng motor si Pinky nang makita niyang galit ang mukha ko. "Ano iyan?" tanong ko agad sa kanya.
"Ate..." hindi na agad siya makapagsalita. Hindi niya alam ang isasagot dahil alam niyang pagbabawalan ko talaga siya.
"Paano ka natutong mag-motor? Hindi mo ba alam na delikado iyan lalo na't babae ka pa!" Tulala ito at halos napako na sa kinatatayuan niya. Namumutla ang mukha
