( Chapter 70 - Sorry the number you have dialed is not in service )
Red's POV
May mga haligi na ang pinapatayo kong restaurant. Malapit na itong lagyan ng bubong. Excited na rin akong mamili ng mga kagamitan ko para roon. Ngayon pa lang gusto ko nang ipaalam kay mama at Waldo ang plano ko, pero pilit kong pinipigilan ang sarili ko dahil gusto ko ay maging malaking surpresa ito para sa kanila.
Nakasakay ako ngayon sa tricycle. Papunta ako ngayon sa mall para kitahin ang taong kausap at umaasikaso para sa pagpapatayo ko ng restaurant. Kailangan naming magkita dahil kukunin daw niya ang card ko. Nitong mga susunod na araw kasi ay mas marami nang pera ang ilalabas ko dahil mamahaling kagamitan na ang kailangang bilhin. Para raw hindi ako maistorbo nang madalas ay siya na ang hahawak ng card
