Napaaga ang gising ni Sophie dahil alam niyang pupunta si Tristan sa bahay nila. Hindi niya alam kung anong oras ito darating.
Bumaba na siya sa kusina para mag-almusal. "Good morning, Hija. Bakit ang aga mo naman ngayon? May pupuntahan ka ba?" tanong ng kaniyang daddy. Naabutan niyang nag-almusal ang mommy at daddy niya. Nagtaka ito sa kaniya dahil kadalasang tanghali na siya kung gumising.
"Good morning, Mom, Dad!" Nag-iisip muna siya kung sasabihin niya bang pupunta ang kaniyang boyfriend sa bahay nila ngayon. Nahihiya siyang sabihin dahil sa buong buhay niya ay ngayon lang siyang naglakas ng loob na ipakilala ang boyfriend niya sa mga magulang niya. 'Yong unang boyfriend niya ay inilihim niya ito sa mommy at daddy niya pero kalaunan ay nalaman din naman ng mga ito pero huli na ang l
