Hya's Point of View
Alas singko na ng hapon. Kinausap na namin ang doktor na pupunta kami ngayon ni Cedric sa gilid ng dagat. Pagod na ako, nakakaramdam na ako ng sobrang antok, parang gusto nang pumikit ng aking mga mata pero tulad ng dati, natatakot ako na baka hindi na ako magising. Parang hindi ko na kayang tumagal pa ng ilang araw. Hindi ko alam, pero nararamdaman ko nang baka ngayong gabi o kaya bukas ay kukunin na kami ng anak ko ng Panginoon.
Ayaw nga sana ni Cedric at ng doctor na papuntahin ako ng dagat dahil makasasama raw iyon sa kondisyon ko pero nagpumilit ako. Kahit sa huling kaarawan ko man lang ay gusto kong masilayan ang huling repleksiyon ng buwan sa dagat, gusto kong balikan ang mga alaala ko roon kasama ang Mommy at Daddy pati na rin ang iba pang mga mahal ko sa 'kin
