Tanghali nang gumising si Sophie dahil araw naman ng Linggo, kaya wala siyang pasok. Sa susunod na araw ay uuwi na ang kaniyang mga magulang galing America. Laking tuwa naman ng dalaga dahil makakasama niya nang muli ang kaniyang mga magulang. Hindi niya akalaing tatagal ng tatlong buwan ang kaniyang mga magulang sa America, kaya labis ang kaniyang pagseselos sa kaniyang kapatid. Pakiramdam niya ay paborito iyon ng mga magulang niya kaysa sa kaniya. Isang tawag lang kasi ng kapatid niya sa kaniyang Mommy at Daddy na kailangan nitong papuntahin sa America ay agad namang pumupunta ang mga ito roon.
Bumangon na siya upang pumunta sa kusina para mag-almusal. Nang akmang lalabas na siya ng kaniyang kwarto ay biglang nag-ring ang kaniyang cellphone. Si Tristan ang tumatawag sa kaniya, kaya kaag
