Natulala si Fermie nang dali-daling umalis si Gabbie sa kuwartong iyon. Bigla siyang nalungkot na hindi niya maintindihan sa pag-alis na iyon ng binata. Napapikit siya ng mata at nagpakawala ng hangin para gumaan ang loob niya.
"Bes, Bads...pakinggan ninyo ako nang mabuti. Ang lahat ng mga iniisip ninyo tungkol sa amin ni Gabbie ay pawang walang katotohanan. Mali ang lahat ng hinala ninyo. Alam mo, Bes kung gaano ka kahalaga rito sa puso ko, kasi nga best friend kita. Naalala mo ba ang cellphone na ibinigay ko sa iyo noong Valentines day? Naalala mo ba ang mga uniform na binili ko, mamahaling sapatos, relos, mga bulaklak sa birthdays mo, on special occasions, cake at ‘yong may 'I LOVE YOU FERMIE? Ang lahat halos na mamahaling gamit na ibinigay ko sa iyo? Lahat ng iyon Bes ay hindi galing
