“Bes…sana okay na tayo. Kung may problema ka mang dinadala na ayaw mong sabihin sa akin ngayon, nirerespeto ko pa rin. Hihintayin ko ang araw na kusa mong ibahagi sa akin ang lahat. Ang mahalaga ang pagkakaibigan natin. Ayokong maging ganito tayo,” wika ni Kia, at nangiti na rin si Fermie sa kaniya at saka tumango.
“May sasabihin pala ako sa iyo. Hindi ko pa ito naipaalam kina Papa at Mama.”
“Ano ‘yon, Bes?”
Magtatapos ako with great distinction. Ibig sabihin Bes, makukuha ko ang karangalang Magna Cumlaude,” masayang ibinalita ni Kia sa kaniya. Masaya na ang mukha nito sa kabila ng mga luhang umagos kamakailan lang.
Niyakap siya ni Fermie. “Congratulations, Bes! Sabi ko na eh, talagang nasa iyo pa rin ang korona, eh…si Badong ba ay may karangalan din ba siyang matatanggap?”
Natahimik
