Napabuntong-hininga si Gabbie. Wala na rin siyang magawa dahil nangyari na ang lahat. Pinagdusahan na rin ni Mariz ang kasalanang nagawa niya.
Umalis si Marco na dala-dala ang kapatawaran ni Gabbie. Maging kay Kia ay humingi rin siya ng tawad. Ipinaabot din niya ang paghingi ng paumanhin kay Fermie. Nangako na siyang hindi na gagawa ng masama nang dahil lamang sa pera.
"Kia!" tawag agad ni Doctor Cueva na kay lawak-lawak ng ngiti nang lumabas ito sa operating room.
"Doc, kumusta po, premature yata ang anak ni Fermie, hindi ba naagapang makakapit?" agad namang tanong ni Kia na naghahalo ang saya at pagkabahala.
Makikita rin ang kaba at excitement sa mukha ni Gabbie.
Napadako naman sa kaniya ang paningin ni Doctor Cuevas. Nakita nitong kanlong niya si Baby Gabriel Inilipat-lipat niya a
