"Anak, okay ka lang ba? Maaga pa para bumalik ng hospital. Nag-aalala na kami ng mama mo sa ‘yo, alam ko namang kaibigan mo si Fermie pero sana huwag mo namang pabayaan ang iyong sarili. Nalulungkot man kami sa sinapit ni Fermie ngunit hindi natin alam ang mga plano ng Diyos para sa kaniya," malungkot ring sabi ng papa ni Kia habang nasa sasakyan sila at pahatid sa hospital.
"Pasensiya na po kayo, Papa. Alam kong pumunta kayo rito ni Mama para sa aking graduation at maipagdiwang din ang mga nakamit kong achievement. Pero hindi ko kayang iwanan sa ere si Fermie. Mas kailangan niya ako ngayon," sagot naman ni Kia.
“Naiintindihan namin iyon, Anak. Pero ang hiling lang namin ng Mama mo na huwag mo ring pabayaan ang iyong sarili.”
“Makakaasa po kayo, Papa. “
"Ay siya nga pala, sino ba ang g
