CAMILLA POINT OF VIEW
Nakaupo ako sa ibabaw ng kama ni Eunice ang kapatid ni Akihiro ng hilahin ako nito paakyat ng kaniyang kuwarto. Kanina kasi, nakasunod na ako sa kaniya paakyat ng hagdan pero nabagalan ata sa akin si Eunice dahil hinawakan pa ako nito sa kamay at hinigit ako papunta sa kuwarto niya.
Nakaupo rin siya sa ibabaw ng kama niya, siguro ay nasa 10 inch lang ang layo sa pagitan naming dalawa. Ilang na ilang nga ako dahil ang lapit namin sa isa't isa. Mabuti nga at hindi naiilang sa akin itong si Eunice. Ang akala ko talaga ay masungit at mataray ito dahil sa pustora niya, pero sweet pala ito at parang bata kung kumilos. Iyon kasi ang nakikita ko base sa ipinapakita niyang kilos ngayon.
“Ate Eunice, alam niyo po bang matagal ko ng hinihintay ang pagkakataong ito?” sabi ni
