"Sage, tara na!" yaya ni Cossie na lumabas mula sa kusina. Nakasuot na ito ng apron at nakatali ang buhok.
Tiningnan ko siya mula sa sala bago tumango na lang at tumayo mula kinauupuan. Sumunod ako sa kaniya sa kitchen.
Kanina pa kami rito at napag-usapan na rin namin ang ilang mga dapat pag-usapan pero ngayon ay may inaayos sila sa editing kaya naman focus na focus sina Jai sa ginagawa. Na-timing-an naman ni Cossie para mag-bake kami.
At wala naman akong choice kundi pumayag, dahil naka-oo na ako kanina.
Nang makarating sa kusina ay naroon si Demi, mukhang kasama sa tuturuan ni Cossie.
"Ano bang gagawin?" tanong ko habang itinatali ang buhok. Pagkatapos ay naghugas ng kamay.
"Hmm," ani Cossie habang nag-iisip. Nasa harap niya ang mga ingredients na nasa grocery plastic pa. D
