Bumungad sa akin sa sala si Mama na tiningnan ako mula ulo hanggang paa pagkarating na pagkarating ko.
Si Amethyst naman ay nasa sofa na nakatingin din sa akin.
Medyo na-weirduhan ako pero ngumiti ako sa kanila kahit na halatang pilit lang iyon. Lumapit ako kay Mama para magmano.
"Good morning, Ma. Nag-almusal na kayo?"
"Saan ka galing?" tanong niya habang nakatingin pa rin sa akin.
"A-Ah, kanila Demi po," sagot ko na nautal pa.
"Sigurado ka?" pagdududa niya sa akin.
Kahit na hindi naman talaga totoo na galing ako kila Demi ay tumango ako. Alangan namang aminin kong hindi?
"Eh, bakit ganiyan ang suot mo?" pag-uusisa niya, hindi naman pagalit ang boses.
"Pinahiram ako ng damit ni Demi," sabi ko.
"Parang panlalaki," panghuhusga ni Mama. Imbes na matakot ay natawa ako dahil s
