"Thank you po, Sir," magalang na sabi ko sa professor bago nagpaalam at tuluyang lumabas sa Film Insti. Inayos ko muna ang mga papel na nakaipit sa isang plastic folder para hindi magulo.
May pinakisuyo kasi ang isa sa mga professor ko na documents na pinapakuha rito sa Film Insti. Eh, nagkataong ako ang nadapuan ng mata niya kaninang dismissal. Hindi naman ako tumanggi dahil bukod sa malapit itong Film Insti sa building namin ay nag-text din sa akin si Nathan kagabi na magkita raw kami rito sa campus.
Sabog pa yata si Direk dahil nakalimutan niya pang sabihin kung saan, eh, ang lawak-lawak kaya nitong campus. Nagtanong ako sa kaniya kaso hindi naman na nag-reply. Pero tutal Film student siya, nandito lang naman siguro 'yon sa Film Insti.
Hihintayin ko na lang siguro ang reply niya.
