Hindi ko alam kung ano ba ang pumasok sa isip ko at pumayag ako na makipagkita kahit na wala akong ideya kung sino o anong klase ng tao ang makakausap ko ngayon.
Ano pa ba ang gusto niyang pag-usapan namin?
Malalim akong napabuntong-hininga habang nakatanaw sa isang coffee shop at chineck kung tama ba ang sinabi nitong lugar sa text.
Nagtataka sina Ate Emily kung saan ako pupunta at hindi ako mapakali nang umalis sa bahay. Sinabi ko na lang na pupuntahan ko si Nathan. Hindi ko alam kung naniwala ba sila pero hindi na sila nagtanong pa at hinayaan na lamang ako.
Tumawid ako sa kalsada bago pumasok sa loob ng coffee shop na iyon. Napahinga ako nang maluwag nang makitang maraming tao sa loob.
Siguro naman ay hindi masamang tao ang nanay ni Cossie, hindi ba? Dahil kung may masama itong b
