Paulit-ulit kong sinabi sa driver na bilisan ang pagmamaneho kahit na halos liparin niya na ang daan sa sobrang bilis ng pagpapatakbo niya. Hindi ako mapakali at wala akong ibang magawa kundi ang maiyak.
Pinipilit kong patatagin ang sarili pero maraming mga bagay ang pumapasok sa isip ko ngayon. Ayaw ko mang isipin ang mga 'yon ay hindi ko mapigilan.
Sa sobrang frustration at kabang nararamdaman ay halos wala na akong pakialam sa paligid. Muntik ko pang makalimutan ang bayad sa taxi at dahil wala akong pera na sakto pambayad ay buo na lang ang inabot ko sa driver at hindi na hinintay pa ang sukli.
Nagmamadali akong pumunta sa hospital. Halos maligaw pa ako sa mga pasilyo. Ilang beses na akong may nabubunggo pero wala na akong pakialam.
Sa paglingon ko sa isang pasilyo ay nakita ko
