"Aga-aga. Napatawag ka?"
Sinalubong ako ng kakagising lang na boses ni Demi mula sa kabilang linya. Natawa ako nang iyon ang ibungad niya.
"Nagising ba kita?" tanong ko.
"Medyo," bagong gising na sabi niya. "Nasaan ka nga pala? Ba't ang ingay diyan?"
"Ah, on the way na ako sa bus stop."
"Ha? Anong oras na ba?" nagtatakang sabi niya. "Oh, wala pang alas-sais, ah. Papasok ka na?"
"Hindi, pauwi pa lang ako," sagot ko.
"Pauwi?"
Nilingon ko ang paligid para tingnan kung may parating na bang bus. Medyo marami-rami rin ang nakaabang sa bus stop dahil nga oras na ng pagpasok sa trabaho at eskwelahan. Nang makitang wala pang bus ay binalik ko ang atensyon kay Demi.
"Baka magtanong sa 'yo si Mama. Sabihin mo na nakitulog ako diyan sa apartment mo."
Sandaling natahimik ang kabilan
