"Sasabay ka ba sa akin?" tanong ni Nikki sa akin. Oras na ng uwian at nagliligpit na ako ng gamit at inaayos ko na ang puwesto ko.
"Ihahatid daw ako ni Dan e."
"Solo flight na naman pala ako uuwi," pairap na sabi niya saka ako tinalikuran. Mukhang nagtatampo na naman ang baklang ito kaya hinabol ko siya. Hinawakan ko siya sa kanyang braso at humilig sa kanyang dibdib.
"Nagtatampo ka ba?"
"Tampo? Hindi 'no?" Alam kong nagsisinungaling lang siya dahil hindi siya makatingin sa akin.
"Sus. Ako pa talaga niloko mo a, kilala na kita."
"Kung alam mo na pala, bakit nagtatanong ka pa?" Muli niya akong inirapan.
"Sorry na kasi. Don't worry babawi ako next time. Nakaoo na kasi ako kay Dan e."
"Anong nakaoo? Sinagot mo na siya?" Tumaas ang kilay niya.
"Hindi. I mean hindi pa."
"Hindi pa? Ibi
