Nagbayad si Nikki ng entrance fee sa resort na malapit dito at agad kaming nagpalit ng damit. Nauna akong pumunta ng pool.
May baon kaya talaga siyang swimsuit?
Habang naghihintay ay nagtatampisaw na ako sa tubig ng pool. Ini-imagine ko ang itsura ni Nikki habang nakasuot ng swimsuit at ngayon pa lang natatawa na ako sa naiisip ko.
"Allena," tawag sa akin ni Nikki kaya lumingon ako.
Halos malaglag ang panga ko nang makita ko siya. Parang nag-slow motion pa ang paligid habang naglalakad siya palapit sa akin. Ibang-iba sa na-imagine ko kanina ang itsura niya.
My gosh! Naka-trunk siya!
Lumabas ang pagka-Adonis niya sa suot niya. Hindi ko rin akalaing may ipagmamalaki siyang abs. Hindi lang basta abs! May six packs siya. Para siyang model na naglalakad palapit sa akin. May paghawi pa sa
