Wala kaming pansinan kinaumagahan. Tahimik kaming magkaharap sa mesa habang kumakain.
"Mama, a!" Ibinuka ni Danaya ang kanyang bibig para magpasubo ng pagkain sa akin. Sinubuan ko naman siya at agad niyang nginuya.
"Mama, Pao-pao din, kain siya." Itinuro niya ang s**t zhu namin na tahimik na kumain sa isang sulok ng kusina. Napangiti naman ako. Lagi kasing pinapansin ni Danaya si Pao-pao kapag kumakain ito kasabay namin. Hindi puwedeng hindi kumakain si Pao-pao kasabay namin dahil pipilitin ako ni Danaya na lagyan ng pagkain si Pao-pao bago kami kumain.
"Yehey! Pao-pao kain din!" Tuwang-tuwa siya habang pumapalakpak.
"Yes baby, kumakain na si Pao-pao kaya kumain ka na rin ha? Oh, eto na." Sinubuan ko ulit siya. Tinanggap naman niya iyon at nginuya.
"Mama, Papa Nick, di kain," sab
