"Kumain ka na ba?" biglang tanong sa akin ni Allena pagkatapos niyang malaman ang pinaplano ko para sa aking birthday party. Alam kong hindi siya makapaniwala base sa itsura ng reaksyon niya. "Anong oras na ba?" kunot noo ding tanong ko.
"Mag-a-alas syete na."
"Oh shocks!" Mabilis akong tumayo at nagtungo sa kusina. Hapunan na pala! Nawala sa isip ko. Hindi pa ako nakakapagluto. Binuksan ko ang rice cooker at nagulat ako dahil may laman na iyon. Nagtataka akong tumingin kay Allena na nakasunod pala sa akin. Lumapit siya at kumuha ng mangkok at mga plato. Inihain niya iyon sa lamesa pagkatapos ay isinalin niya sa mangkok ang menudo na niluto yata niya.
"Busy ka kanina kaya ako na ang nagluto. Alam ko ring miss na miss mo na itong luto ko," nakangiting sabi niya saka inilapag ang
