DAHIL medyo madumi ang condo ko dahil matagal na walang tumitira ay napagpasyahan kong linisin na lang ito. Nang matapos ay naligo ako at pagod na inihiga ang sarili sa kama.
Ang balak ko sana ay matulog na lang buong maghapon dahil sa pagod, pero hindi natuloy ang plano kong 'yon nang may sunod-sunod na nagdoorbell sa labas ng condo ko.
Inaantok, pinilit kong iahon ang sarili sa kama para pagbuksan ang taong nasa labas. Agad na nagkasalubong ang kilay ko nang makita ko sina Curse at Silent sa harapan ng condo unit ko.
"Bakit ngayon lang kayo?" tanong ko. Ang sabi kanina ni Curse ay susunduin niya lang si Silent at babalik din agad, pero natapos na ako sa paglilinis at pagtulog ay ngayon pa lang sila dumating.
"Ito kasi," usal ni Curse at itinuro si Silent na nakatayo sa tabi niya. "Ay
