"Anong singsing?” nanlalaki ang mga mata kong tanong.
Ngayon ay siya naman ang natigilan at nangunot ang noo. “Hindi mo natanggap?”
“Ang alin?”
“My present for you. Pinadala ko bago magbagong taon.”
Namilog ang bibig ko nang maalala ang regalong dumating sa akin bago magbagong taon. Ang box na dinala sa akin ni Castiel!
“Natanggap ko pero... hindi ko pa nabubuksan,” sambit ko.
Kita ko ang paglitaw ng sakit at lungkot sa mukha niya. Pilit siyang ngumiti para takpan ‘yon.
“I guess, wala ka nang paki roon.”
“No, it’s not like that,” tutol ko. “Nakalimutan ko lang sa dami ng nangyari.”
“Siguro hindi na ganoon ka-emportante sa ‘yo kaya kinalimutan mo na, but it’s okay. Basta ang huwag mo lang sana makalimutan ay naghihintay pa rin ako sa ‘yo,” ani Chaos habang makikita mo sa ekspresiy
