Malalim na ang gabi nang makauwi kami ng condo ni Chaos. Medyo may tama na ng alak ang kasama ko dahil ayaw siyang tigilan kanina ni Curse na gustong-gusto magpakalasing at gustong idamay siya at si Kuya Silent. Kaya kahit pati ang pagmamaneho ng kotse ay ako na ang gumawa.
Tumayo agad ako mula sa pagkakaupo sa paanan ng kama nang makita kong lumabas na ng banyo si Chaos, bagong ligo na. Pinauna ko na siyang maligo para makapagpahinga na agad.
“Okay ka na?” tanong ko.
Tumango siya at naglakad palapit sa akin. Nangunot ang noo ko nang naglalambing siyang yumakap sa akin. Malalim siyang bumuntong hininga at ibinaon ang mukha sa leeg ko.
“Is there a problem?” naguguluhan kong tanong. Halata sa ikinikilos niya na may tumatakbo ngayon sa isipan niya.
“Love,” aniya at hinarap ako. Mas lalon
