HINDI agad ako nakapagreact sa sinabi ni Kuya Silent. Bahagya akong natulala sa pagkagulat.
Tama lang naman ang pagkakarinig ko, ‘di ba? At siguradong si Chaos ang tinutukoy niya! Wala na akong naiisip na ibang tao. Si Chaos lang!
“N-nasaan si Chaos? Saan ko siya makikita?” bahagyang nauutal kong tanong dala pa rin ng gulat.
Hindi niya agad ako sinagot. Pinakatitigan niya lang ako. Tila pinag-aaralan ang reaksiyon ko. Napalunok ako at nakipaglaban ng titigan kay Kuya Silent kahit na nakakakaba ang mga titig niya.
“Answer me, Kuya Silent. Where is he?” pag-uulit ko ng tanong.
“Mas maganda kung idi-dicuss ko muna sa 'yo ang proposal ko,” aniya.
Bumakas ang pagtataka sa mukha ko. Nakaramdam din ako ng pagkainip. Gustong-gusto ko nang malaman kung nasaan si Chaos!
“Mamaya na ‘yan
