HINDI maipinta ang pagmumukha ko habang nakatitig sa tambak na school works ko. Dumadagdag pa sa pagkairita ko ang ginawa ni Daddy ngayong araw. Kinuha niya ang credit card at ATM card ko.
Parang maiiyak kong inilapag sa study table ko ang hawak na libro at umungol sa sobrang pagkairita. Wala akong maintindihan sa mga binabasa ko!
Idinukdok ko ang ulo sa study table at kinalma ang sarili. Kailangan kong mag-focus sa ginagawa ko kundi wala akong matatapos na gawain.
Nawala sa pagkakadukdok ang ulo ko nang marinig ko ang pagtunog ng cellphone ko na nakalapag sa study table. Bigla akong sumigla nang makita ko ang pangalan ni Chaos sa screen nito. Agad-agad ko itong dinampot.
"Love!" May ngiti na sa aking labi nang sagutin ko ang tawag niya.
"How was your day?" puno ng lambing ang boses n
