Lumapit si Iñigo kay Sky. Naupo siya upang alalayan ang dalagang tumayo at buhatin ito. Naramdaman niya ang pagsandig ng ulo nito sa kaniyang dibdib. Hinayaan niya lang itong pakawalan ang sakit na nararamdaman. Halos mabasa na ang kaniyang suot na T-shirt ng mga luha ng dalaga dahil sa patuloy nitong pag-iyak. Sa huli ay wala siyang ginawa. Kung tutuusin ay may magagawa naman siya ngunit hindi niya ginawa. Alam niyang tama si Earth. Kailangan nitong pulutin ang sarili upang makapagsimulang muli at ayaw niyang ipilit maging maayos ang lahat lalo na kung sariwa pa ang sakit.
♥ ♥ ♥ ♥ ♥ ♥ ♥ ♥ ♥ ♥
Dahan-dahan niyang inihiga si Sky sa hospital bed sa loob ng inokupahan nilang silid.
"Sir, may kailangan pa po ba kayo?" tanong ng nurse na naghatid ng pagkain sa silid.
"We're good.
